Сигурно сте слушнале дека не е добро да го поставите креветот до шпоретот или радијаторот, не само што ќе ви биде тополо и ќе бидете испотени во текот на ноќта, туку има и други здравствени ризици од прекумерна топлина за време на спиењето.
Експертите велат дека растојанието помеѓу креветот и радијаторот не треба да биде помало од еден метар.
Ако вашиот кревет е поблиску до грејното тело од ова препорачано растојание, лекарите предупредуваат дека вашето тело ќе биде изложено на интензивна топлина, што ќе поттикне некои процеси.
Овој „топлотен удар“ е дополнителен тест за телото, барајќи од него да се потруди да се разлади. Ова, пак, може негативно да влијае на срцето, особено ако станува збор за луѓе кои веќе имаат хронична болест и нивниот кардиоваскуларен систем е ослабен.
–Температурите над 22-23 степени Целзиусови негативно влијаат на кардиоваскуларниот систем, создавајќи дополнителен товар на миокардот, велат експертите од американскиот „Центар за срце“.
Долг престој во загреана и слабо проветрена просторија генерално ја влошува состојбата на организмот дури и на најздравите луѓе, потсетуваат експертите.
Како последица на тоа, може да настане поспаност, замор, летаргија, намалена способност за работа и продуктивност, како и чувство на „магла“ во мозокот, што се јавува поради несоодветно снабдување со кислород во овој орган.
Што се однесува до спалната соба, отворањето на прозорецот за да се пушти свеж воздух е особено важно пред спиење. Температурата во спалната соба не треба да надминува 16 степени.
