Работничките во Авганистан мора да останат дома додека не се воспостават соодветни системи за да се осигура нивната безбедност, изјави портпаролот на Талибанците за новинарите.
–Тоа е многу привремена процедура, рече портпаролот Забихула Муџахид.
Талибанците, кои воведоа строга верзија на исламскиот закон кога раководеа со Авганистан пред 2001 година, ја вратија целосната контрола врз земјата пред девет дена.
ОН ги истакнаа „веродостојните“ извештаи за злоупотреби од Талибанците, особено ограничувањата на жените.
Високата комесарка на ОН за човекови права Мишел Бачелет во вторникот рече дека правата на жените се „основна црвена линија“.
