Математичарите велат дека најпознатиот број во светот има многу практични примени, но дали навистина вреди толку напор и време да се пресметаат трилион цифри од овој број?
Пред неколку дена, научниците од Швајцарскиот универзитет за применети науки во Граубенден го соборија светскиот рекорд во пресметување на цифрите на бројот Пи.
За 108 дена што им беа потребни, тие пресметаа 62,8 трилиони цифри користејќи суперкомпјутери.
Овие бројки беа пресметани речиси 3,5 пати побрзо отколку што беше со последниот светски рекорд од 2020 година, во кој беа пресметани 50 трилиони цифри.
Научниците чекаа Гинисовата книга на рекорди да го потврдат нивниот резултат, и дотогаш ги открија само последните десет цифри што ги пресметаа за Пи: 7817924264.
Што е Пи?
Пи е математичка константа која го претставува односот на обемот на кругот до неговиот дијаметар, со бесконечен број цифри по децималната точка. Истражувачите продолжија да вршат пресметки на оваа константа чии први 10 цифри гласеа 3.141592653.
Во суштина, πи е трансцендентален, ирационален број, кој не може точно да се изрази како дел од два цели броја.
Уште во времето на Вавилон, луѓето се обидувале да ги одредат децималите на бројот Пи што е можно попрецизно, со различен степен на успех.
На пример, аматерски математичар, Вилијам Шенкс, рачно пресметал 707 цифри од бројот π во 1873 година и умрел така мислејќи, за многу години подоцна да се открие дека направил грешка на 528-то децимално место.
