Жителите на богатите и средно богатите земји добиле околу 90 проценти од досега испорачаните речиси 400 милиони дози вакцини против Ковид-19, пишува Њујорк Тајмс.
Авторите на текстот истакнуваат дека оваа дистрибуција создала остра нееднаквост и дека поради зголемениот број здравствени работници и активисти ширум светот, тие бараат од западните влади да ги принудат компаниите да објавуваат рецепти за вакцини и да го споделат своето „знаење“ за да се зголеми производството.
Сепак, и покрај глобалното гледиште дека единствениот начин да се врати населението на стариот начин на живот е да се вакцинира што поголем процент од населението, без оглед на државјанството, се чини дека компаниите сè уште не се подготвени да се откажат од профитот, ниту, пак, државните администрации на такво нешто и обврзуваат.
Наместо тоа, со помош на договори со фармацевтски компании, лидерите на западните земји најдоа начин да обезбедат најголем број вакцини за себе, истакнува Њујорк Тајмс.
На тој начин, додаваат авторите, тие ги игнорираа предупредувањата на Светската здравствена организација, која бараше вклучување на договорни обврски што ќе гарантираат дози на вакцини за сиромашните земји и што ќе ги охрабри компаниите да ги споделат своите знаења и патенти.
Западните земји продолжуваат да се спротивставуваат на барањето на земјите во развој да ги ограничат правата на патент сè додека не заврши пандемијата и не се стави под контрола на ширењето на вирусот.
Богатите земји првенствено се плашат од тужби од фармацевтски компании што може да ги чинат милијарди, наведува Дојче веле.
