Ги прашавме полнолетни девојки и жени кои се уште практикуваат љубовни состаноци, што најмногу забележуваат на прв состанок и што никако не можат да го занемарат и го третираат како голема опасност. Некои од нив состанокот го прекинувале веднаш штом ќе забележале алармантен одговор и однесување, додека другите го занемариле, но во подоцнежните фази, искуството им покажало дека сепак најдобар избор би бил секогаш да ја следат својата интуиција.
Најинтересните одговори ви ги даваме во продолжение:
–За мене најголемото црвено знаме е доколку машкото со кое сум на дејт не разговара за заедничка иднина и ги избегнува темите за брак и деца. М.Ј (26)
–Првиот состанок е секогаш полн со возбуди бидејќи запознаваме некој нов во нашиот живот, но доколку таа заинтересираност не е обострана, тоа за мене е силен аларм. На пример седиме со часови и не ме прашува ништо и воопшто не се интересира за моите потреби, желби или интереси. К.Т (22)
–За мене е многу важна семејната историја, бидејќи сум психолог скоро секогаш чепкам во односите со родителите и односите меѓу родителите. Ако има некоја абнормална блискост или абнормална одбивност, за мене тоа е знак дека имам работа со личност која е оштетена и на која и треба многу поддршка да стане емоционално зрела. Б.А (32)
–Јас лично не би простила некој да ме лаже или да крие нешто од мене. Ако на првиот состанок веќе избегнува одговори за било што, веднаш се повлекувам. Имам доволно години и не сакам да губам време со никого. Д.Ј (34)
–Лично не поднесувам женкари, па ако на првиот состанок забележам дека гледа некоја друга или се допишува со други девојки, веднаш пресекувам. Не сакам да бидам само една во низата. Н.М (21)
–Машко што има најдобра другарка и се и кажува, дури и за интимни односи, за мене е големо црвено знаме. Не постои поголемо од тоа. Имав трета личност во врската која беше „другарка“ на крајот тие двајца завршија заедно, па сфатив дека во целата приказна јас сум била вишок. В.С. (27)
–Јас бегам од мажи кои се постојано во некои игри, дали се видео игри или постојано гледање фудбал и други спортови. Што значи тоа, ќе нема никогаш време за мене! И.Д. (25)
–Маж што на прв состанок ќе прифати да ја делиме сметката по пола, сигурно нема да ми биде сфера на интерес! Т.Г (38)
