Холандскиот парламент одобри закон со кој на вработените во многу компании ќе им се даде право да работат од дома. Можно е овој преседан да доведе до револуција во трудовото законодавство низ Европа.
Доколку Сенатот се согласи со Парламентот, Холандија ќе стане пионер во легализацијата на работа на далечина, чии придобивки ги искористија многу работници ширум светот за време на пандемијата на коронавирус.
Експертите сметаат дека и другите европски земји најверојатно ќе го следат примерот на Холандија, што значи дека трудовото законодавство низ Европа радикално ќе се промени.
Предлог-законот за работа на далечина во парламентот го претставија претставникот на проевропската партија Д-66 Стивен Ван Венберг и Сена Матуг од Партијата на зелените.
Според него, на вработените им се дава можност да побараат од нивниот работодавец да работи од дома доколку природата на нивната работа тоа го дозволува, а работодавците се обврзани да го разгледаат ова барање, пренесува Би-Би-Си.
Некои глобални компании веќе ги префрлија своите вработени на хибриден распоред на сопствена иницијатива, дозволувајќи им да работат од дома во одредени денови. На пример, минатото лето оваа опција ја добија 73.000 вработени во швајцарската банка UBS.
Оваа недела, нејзината водечка канцеларија во Лондон објави дека издава два ката поради драстично намалување на барањата за работниот простор.
Во април оваа година, најголемата банка во Франција, BNP Paribas, им дозволи на своите вработени, повеќе од 132.000 од нив, да работат делумно од дома барем до 2024 година.
