Не е важно каква работа работите: стресот влијае на сите подеднакво

Бројни истражувања покажуваат дека денес двојно повеќе луѓе сметаат дека нивната работа е „екстремно стресна“, споредувајќи ја со работата што ја работеле пред десет години.

Повеќето од нив размислуваат и за напуштање на работата што им предизвикува премногу стрес, а многумина и го прават тоа.

Многу луѓе се жалат дека нивната работа е премногу стресна и дека овој стрес им предизвикува здравствени проблеми, вклучувајќи висок крвен притисок, нарушувања во спиењето, болки во грбот итн.

Стресот може да игра голема улога и за кардиоваскуларни болести, па дури и за срцев удар.

Стресот може да го зголеми крвниот притисок, да го зголеми нивото на холестерол, да предизвика срцеви аритмии и слично.

Ако се чувствувате дека сте изложени на стрес на работа, имајте на ум неколку работи:

  • Наспијте се добро – истражувањата покажуваат дека недостатокот на сон придонесува за стрес. Ќе се чувствувате подобро на работа доколку не сте уморни и исцрпени.
  • Појадувајте – дури и ако тоа значи дека треба да станете половина час порано, важно е денот да го започнете со богат и здрав оброк.
  • Вежбајте – следниот пат кога ќе се почувствувате под стрес, обидете се да се опуштите со вежбање. На пример: одете на кратка прошетка, направете кратка вежба за истегнување на рацете и нозете, џогирајте на лице место или неколку минути на свеж воздух – ќе се чувствувате многу подобро.
  • Размислувајте позитивно – најважно е како се чувствувате и како се поставувате кон работите. Само вие можете да го контролирате вашето однесување. Обидете се, колку што е можно повеќе да размислувате позитивно за да го оддалечите стресот од вашето секојдневие.
  • Не се замарајте со ситници – научете ја разликата помеѓу она што е навистина важно во вашиот живот и многу проблеми едноставно ќе исчезнат.
  • Опуштете се – вдишете длабоко и ослободете ја напнатоста.
  • Читајте книги, гледајте комедии или одете на лежерна прошетка. Наскоро ќе видите дека вашите проблеми, предизвикани од стрес, се минато.
  • Игнорирајте ги стресните ситуации – не се заплеткувајте во туѓи проблеми и стресни ситуации. Имате доволно ваши стресови.
  • Научете да управувате со вашето време – многу луѓе се под стрес затоа што не можат да ја завршат целата работа на време. Погледнете го вашиот распоред и споделете ги приоритетите.
ИЗВОРВработување
претходниот член,Зошто Македонецот кој починал од ковид во Британија е репрезентатив на смрт поради одбивање на вакцини во британските медиуми?
Следната статијаДенеска се слави Нова година по јулијанскиот календар, еве кои се обичаите:

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде