Авторката на студијата, објавена во списанието Journal of Sex & Marital Therapy, психотерапевтката Сара Хантер Мареј, вели дека во текот на нејзината кариера забележала дека темата за машката сексуална желба се зема здраво за готово и често се игнорира.
-Честите претпоставки се дека нема што да се учи во машката сексуална желба, дека е едноставно и површно. Тогаш сфатив дека навистина треба да разговарам со мажите за тоа, објаснува Хантер Мареј.
Имајќи го предвид недостатокот на справување со оваа тема, започна студија со примерок од повеќе од 300 мажи, на возраст од 18 до 65 години, кои се во хетеросексуални врски од 7 месеци до 45 години.
Мажите беа запрашани колку е важно за нивната партнерка да ги смета за сексуално пожелни, а потоа да опишат што прави партнерката за да им покаже и дали има работи или гестови кои би помогнале во тоа.
Речиси сите испитаници, 95%, рекле дека им е многу важно да видат дека се сексуално привлечни за својот партнер.
На прашањето како им соопштуваат нивните партнери, 41 отсто од испитаниците одговориле дека нивните партнери вербално покажуваат привлечност, 34 отсто со допир, 28 отсто со започнување на физичка активност, а само 19 отсто одговориле дека нивните партнери се ентузијасти и возбудени за време на сексот.
Огромното мнозинство мажи во студијата (88 проценти) објаснија што би сакале од партнерката и како можат да им покажат сексуална привлечност. Речиси половина сугерираа дека би сакале нивните партнери да се однесуваат посигурно и доминантно во кревет.
Покрај тоа, 17 проценти би сакале нивните партнери почесто да иницираат секс, 15 проценти би сакале да комуницираат појасно и да ги пренесат своите сексуални потреби и желби, а 14 проценти сакаат нивните партнери да покажат поголем сексуален интерес за нив.
