Американскиот центар за контрола и превенција на болести соопшти дека секој петти случај на срцев удар не е откриен.
Ова значи дека дури 20 проценти од луѓето кои преживеале срцев удар и не знаат дека го доживеале, но тоа не ги намалува штетите во организмот.
Иако не можеме целосно да влијаеме на здравјето на срцето, во смисла дека некои работи се исто така генетски, постојат начини на кои можеме да го подобриме.
На пример, пожелна е здрава исхрана и редовна, умерена физичка активност, а сега експертите открија кои пијалоци лошо влијаат на здравјето на срцето, а доколку постојано се пијат во поголеми количини, може да доведат и до срцев удар.
Газирани пијалоци
Веќе знаеме дека газираните пијалоци во никој случај не се сметаат за здрави, особено затоа што содржат и големи количини шеќер.
–Истражувањата покажаа дека засладените пијалоци можат да го зголемат ризикот од срцеви заболувања, што е водечка причина за срцеви удари, вели д-р Седрина Калдер.
–Неодамнешна студија покажа дека луѓето кои пиеле повеќе од 3,5 децилитри газирани пијалоци имале ненормално високо ниво на маснотии во крвта, што го зголемува ризикот од срцев удар.
Се разбира, тоа не значи дека една чаша газиран пијалок е опасна по здравјето, но дека едноставно не треба да претерувате.
Кафе
Консумирањето кафе не е штетно за здравјето, доколку се консумира во умерени количини.
Покрај тоа, истражувањата покажаа дека пиењето една чаша кафе на ден го намалува ризикот од срцеви заболувања.
Сепак, неодамнешна студија покажа дека конзумирањето на шест или повеќе шолји кафе на ден го зголемува нивото на липиди, т.е. масти во крвта, зголемувајќи го ризикот од срцеви заболувања.
Енергетски пијалоци
–Енергетските пијалоци можат да го зголемат ризикот за здравјето на срцето со зголемување на крвниот притисок и предизвикување промени во срцевиот ритам, рече Калдер.
Алкохол
Кога станува збор за алкохолот, оние кои го консумираат имаат поголем ризик да развијат срцеви проблеми отколку оние кои воопшто не пијат алкохол.
Иако овој ризик се однесува на припадниците на двата пола, истражувањата покажаа дека жените кои пијат алкохол имаат значително поголем ризик од развој на срцеви заболувања отколку мажите.
Во секој случај, безбедно е за припадници на двата пола да пијат алкохол во умерени количини, сè што е над тоа, претставува ризик.
Милкшејкови
Постојат две состојки кои прават милкшејк, пијалоци што ги обожаваат децата, штетни за здравјето на срцето – шеќер и заситени масти.
–Истражувањата покажаа дека дури и само еден оброк со многу маснотии може да предизвика срцеви заболувања кај некои луѓе, рече Калдер.
