Министерството за животна средина и просторно планирање, Јавната Установа Национален Парк Маврово и граѓанските организации што работат на заштита на природата, на работен состанок, се согласија дека е потребно итно репрогласување на Националниот Парк Маврово.

Сите сме соласни дека на НП Маврово му е потребна итна и сеопфатна заштита која што ќе се обезбеди со обновување на студијата за валоризација од 2012 година и конечно носење на законот за репрогласување на паркот.

На овој начин ќе се овозможи изработка на план за управување по највисоки меѓународни стандарди, што пак ќе отвори можности за нови и одржливи начини на финансирање на работата на паркот, рекоа од Министерството.

Меѓу работите што беа дискутирани на состанокот беше и важноста за рано вклучување на локалното население во постапката, идентификување на можности за економски развој на регионот согласно начелата за заштита на природата, и задржување на традиционалните активности како главни двигатели на локалниот развој.

Како потенцијален проблем се нагласи важноста да се спречи понатамошна деградација на природните вредности на паркот до неговото репрогласување.

ИЗВОРВработување
претходниот член,Еврокомесарот Варехи: Следната недела е клучна за вас!
Следната статијаВчерашните протести се доказ дека во Македонија нема опозиција, има само власт!

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде