Турскиот претседател Реџеп Таип Ердоган го нападна неговиот француски колега Емануел Макрон денес, заради неговата политика кон муслиманите, велејќи дека му се потребни проверки за менталното здравје.

Што може да се каже за шефот на државата кој се однесува вака кон милиони припадници на различни религиозни групи: пред сè, направете проверки на менталното здравје – рече Ердоган во телевизиско обраќање, пишува Аваз.

Предлогот на Макрон да ги „брани секуларните вредности од радикалниот ислам“ ја налути турската влада, проширувајќи го растечкиот список на спорови меѓу францускиот лидер и Ердоган.

Овој месец, Макрон го опиша исламот како религија „во криза“ ширум светот и рече дека владата ќе претстави мерки во декември за зајакнување на законот од 1905 година, со што официјално се одделуваат религијата и државата во Франција.