Бурниот начин на живот на кој сме навикнати носи со себе премногу обврски, за кои изгледа немаме време.
Се чини дека деновите минуваат и тие никогаш не престануваат, а сето тоа затоа што никогаш не можеме навистина да спиеме и да ги наполниме батериите.
Многу ноќи поминуваме без сон или со многу малку сон, па често се случува да не го пребродиме целиот ден и да ни останат многу обврски за утре, а наместо да се одмориме уште повеќе се изморуваме.
Поради оваа причина, попладневната дремка станува многу потребна во нашите животи.
Петнаесет минути или час што ќе ги одвоиме во текот на денот за да ги затвориме очите и малку да се опуштиме, нема да ни одземат премногу време (сигурно веќе ќе го потрошиме на телевизија или на социјалните мрежи) и ќе значат многу за нашето тело.
Во тие 15 до 20 минути ги подобруваме перформансите на мозокот, ја зајакнуваме меморијата и креативноста, а донесувањето одлуки ни станува полесно.
Сето ова води до фактот дека кога ќе украдеме малку време за да дремеме во текот на денот, всушност завршуваме повеќе обврски и стануваме понеоптоварени.
