Билјана Жикиќ е српска новинарка која живее и работи во Словенија. Со објава за скандалот поврзан со учеството на српскиот тенисер Новак Ѓоковиќ на Australia Open турнирот во тенис, споделена на нејзиниот личниот фејсбук профил, Билјана предизвика голем број на реакции кај публиката.
Според Жикиќ, проблемот на кој треба да се фокусираме е ригидната имиграциона политика на западните земји, а не фактот што Новак Ѓоковиќ кој во моментот се наоѓа во Мелбурн со цел да игра тенис на турнирот Australia Open е Србин.
Според Билјана Жикиќ, овој третман кој го доживува Ѓоковиќ покажува дека секој од нас може да биде на негово место, бидејќи системот дозволува луѓе да се малтретираат на границите, не поради нивната националност, туку поради имиграционата политика.
Во продолжение ви ја пренесуваме нејзината објава интегрално:
Ајде луѓе, оладете малку. Смешна Олимпијада. Нема некој што барем малку не се изгреба од Ѓоковиќ и го искористи за да ја подаде раката и да ги стави лончињата: од бунга-бунгата на владетелите до закоравените националисти и шовинисти. Каква врска имате сите вие со него? Тенисот е спорт, а не бојно поле. Ѓоковиќ е тенисер а не воин, жртва, светец, маченик, претставник на Србите и Србија итн. Еден човек игра тенис најдобро на светот, сосема случајно припаѓа на иста нација како тебе и тука завршува се што има заедничко со тебе. Она што сите треба да не загрижува се имиграциските политики на западните земји, кои се катастрофални, кои мачат и убиваат луѓе и од кои никој не може да избега, па ни Ѓоковиќ. Значи, ако тоа може да му се случи на тој што припаѓа на светската елита, тогаш истото може да му се случи на секој од нас обичните смртници. Тоа е проблемот! Променете ја нечовечката и нехумана, смртоносна имиграциска политика на западните земји! Тоа, како што гледате, не засега сите нас! Никој нема да те мачи затоа што си Србин (кога тоа воопшто те интересира), туку затоа што системот дозволува да се измачуваат луѓето на границите!
