Економскиот раст на Велика Британија забави во август и покрај ублажувањето на ограничувањата, што укажува на тоа дека закрепнувањето на Велика Британија е во застој дури и пред да пристигне вториот бран на корона вирус.
Заводот за национална статистика во петокот соопшти дека економијата на Велика Британија пораснала за 2,1% во август. Консензусното очекување меѓу економистите беше за зголемување од 4,6%, според „Капитал Економикс“.
Тоа беше четврти последователен месец на економски раст по намалувањето од 20% во април, што доведе до најлош квартален пад што е забележан.
Но, стапките на раст беа посилни во мај (2,7%), јуни (9,1%) и јули (6,4%), што сигнализира дека закрепнувањето на економијата не се одвива според очекуванотот.
БДП останува 9,2% под нивоата забележани во февруари пред да се појави коронавирусот, соопшти ОНС.
Извор: CNN
