Бруто домашниот производ на најголемиот град во Турција е повисок од оној на Албанија, Бугарија, Босна и Херцеговина, Косово, Македонија, Србија, Хрватска и Црна Гора.
Најголемиот град на Турција, Истанбул, има бруто домашен производ (БДП) од 256 милијарди долари, а осумте балкански земји заедно имаат 253 милијарди долари, пишува Индикатор.ба.
Сонер Кагаптај, директор на турската програма за истражување на Институтот за блискоисточна политика во Вашингтон, објави на Твитер дека БДП на Истанбул е поголем отколку во Албанија, Бугарија, Босна и Херцеговина, Косово, Македонија, Србија, Хрватска и Црна Гора, пренесува Танјуг.
БДП на Турција е 740 милијарди американски долари.
Според Светската банка, БДП на Турција минатата година изнесувал 740 милијарди американски долари, а за илустрација, БДП на Босна и Херцеговина во 2018 година бил 20,2 милијарди американски долари.
Истанбул има население од 15,5 милиони, а осумте земји заедно имаат население од 28,6 милиони.
Извор : Aljazeera Balkans ;
