За потпретседатели на партијата официјално се изгласани Јована Тренчевска и Александар Трајановски, додека Ана Чупевска ја доби довербата да раководи со Советодавниот совет. Функцијата генерален секретар ја задржува Александар Димитријевиќ, а организациски секретар останува Љупчо Фармаковски.
За претседател на Градската организација е избран Александар Давчевски. Во Извршниот одбор и понатаму остануваат Андреј Жерновски, Агрон Демири и Симона Цветановски, додека меѓу новите членови е и поранешниот градоначалник на Ѓорче Петров, Александар Наумовски.
Претседателот на СДСМ, Венко Филипче, предложи во Извршниот одбор да влезат и Рената Младеновска, Дејан Николовски, Јон Фрчкоски, Наташа Попоска, Петар Огњеновиќ, Андреј Бислимовски и Филип Андов-Сокол. Фани Каранфиловска Пановска останува заменик-претседател, при што нејзината оставка треба формално да ја констатира Конгресот.
Како компромисно решение, за дел од членовите кои не добија функции веднаш, е предвидено нивното стапување на должност по Конгресот на партијата, кој е закажан за 24 јануари.
