Короната повторно почна да дивее во Франција. По кратко затишје, кривата повторно нагло се зголеми.
Сè се влоши од средината на март, кога властите одлучија да ја укинат пропусницата за вакцинација и носење маска во затворени простории, и покрај предупредувањата од професијата дека тоа може да доведе до влошување.
Французи продолжуваат да носат маски самоиницијативно, не само внатре, туку и на отворено, штом гужвата е малку поголема. Ретко е да се види некој без маска во супермаркетите, иако тие веќе не се задолжителни.
Во последните 24 часа во Франција со Ковид се заразиле 148.635 луѓе. За еден ден од Ковид починале 124 луѓе. Во болниците се лекуваат 20.654 пациенти со корона, од кои 1.523 се на интензивна нега, 41 помалку од претходниот ден.
