Вакцината на Фајзер е поефикасна за варијантата на делта отколку АстраЗенека, но заштитата што ја обезбедува се намалува побрзо, според британското истражување објавено во четвртокот.
Истражувањето на Оксфорд опфати 700.000 испитаници од декември 2020 година до август 2021 година.
Лицето кое добило втора доза Фајзер пред еден месец е 90 проценти позаштитено од делта отколку невакцинирано лице, покажа анализата на примероците.
Два месеци по добивањето на втората доза, разликата се намалува на 85 проценти, а по три месеци на 78 проценти.
Вакцината АстраЗенека, според истражувањето, обезбедува заштита од 67 проценти по еден месец, 65 проценти по два месеци и 61 проценти по три месеци.
ВКУПНАТА ЕФИКАСНОСТ ОСТАНУВА ГОЛЕМА
По четири до пет месеци, нивото на заштита што го обезбедуваат Фајзер и АстраЗенека се израмнува, според една студија која се уште не е разгледана.
Овие бројки „навистина претставуваат пад“ во ефективноста на вакцината на Фајзер, објасни др. Коен Пувелс, еден од авторите на студијата.
По четири до пет месеци, нивото на заштита што ја обезбедуваат Фајзер и АстраЗенека се изедначува.
Сепак, истражувачите истакнуваат дека и покрај намалувањето на нивото на заштита, „севкупната ефикасност (на двете вакцини) останува многу висока“.
Тие забележуваат дека истражувачите ја разгледале целокупната заштита од „Ковид-19“, а не заштитата од потешките форми на болеста и хоспитализациите, што е важно за „оценување на ефективноста на вакцината“.
Студијата беше објавена во време кога некои земји размислуваат за вакцинација со трета доза од вакцината.
