Американскиот Стејт департмент ја предупреди Бугарија дека доколку сака нејзините граѓани да патуваат во САД без виза, треба да го реши проблемот со продажба на пасоши, пренесува Euractiv.com.
Според официјалните документи до кои дојде „Еурактив Бугарија“, американската страна инсистира бугарските пасоши да се издаваат само на добро проверени граѓани, кои не претставуваат закана за внатрешната безбедност на Соединетите држави.
Според наодите на „Еурактива“ од 2018 година, постоеше елаборатна корупциска шема што дозволуваше бесплатно патување и пристап до ЕУ на секој што сака да плати мито од 5.000 евра за да добие вистински бугарски пасош.
Државната агенција надлежна за бугарската дијаспора беше особено вклучена во корупцискиот скандал со издавање на „плаќачки“ лажни потврди за бугарско потекло, документ врз основа на кој може да се издадат бугарско државјанство и лични документи.
Шефот на оваа агенција беше сменет и помина неколку месеци во притвор, но не се случи вистинска реформа во времето на поранешната влада, во која учествуваше ВМРО, коалицискиот партнер на поранешниот премиер Бојко Борисов.
