Пулмологот д-р Бранимир Несторовиќ изјави дека лекот редесивир не е ефикасен во лекувањето на короната и дека бил изненаден што ЕУ го одобрила, оценувајќи дека не станува збор за медицина, туку влијанија и дека „Бил Гејтс секогаш доаѓа до крајот на приказната“.
Тој исто така истакна дека младите сега се разболуваат повеќе, што го поставува прашањето дали станува збор за нов вирус.
Говорејќи за „Прва телевизија“, Несторовиќ рече дека сега има многу млади кои имаат пневмонија, што не беше случај пред три месеци и дека се чини дека станува збор за нов вид корона вирус.
Според една голема студија, се појави нова верзија на вирусот што може да зарази повеќе луѓе, но во однос на последиците, наводно, не е посилна од претходната верзија. Пред еден месец се појави вирусот Д, кој го зголеми преносот и дали е посериозен од претходниот, има спорови. Епидемијата ја завршивме на 1 мај, а практично ништо не се случи до 1 јуни. Потоа, во јуни започна нов бран, кој не личи на првиот. Старите луѓе не се толку загрозени. Мене не ми личи на истиот вирус – изјави д-р Несторовиќ, истакнувајќи дека, сепак, оваа теза сè уште не е потврдена.
Според него, појавата на нови симптоми се совпаднала со пристигнувањето на луѓе од Швајцарија и Италија кои веројатно тоа го донеле.
Извор: novosti.rs
