дома информација вест Уште долго светот ќе остане без вакцина против КОВИД19, Оксфорд го стопираше...

Уште долго светот ќе остане без вакцина против КОВИД19, Оксфорд го стопираше тестирањето на вакцината

415
0

Последната фаза од клиничкото испитување на вакцината против ковид-19 која ја развива Универзитетот Оксфорд е прекината откако кај еден испитаник била забележана неповолна реакција.

Вакцината, која заеднички ја развиваат Универзитетот Оксфорд и британско-шведската фармацевтска компанија „АстраЗенека“, е една од водечките кандидати во светот.

Но, клиничкото испитување сега е стопирано поради случај на „необјаснета болест“, пренесува Би-Би-Си повикувајќи се на извори од „АстраЗенека“.

Компанијата го опишува привременото прекинување на испитувањето како „рутинско“.

Би-би-си наведува дека вакцината успешно ја поминала првата и втората фаза од клиничкото испитување и се очекуваше да биде меѓу првите вакцини што ќе се најдат на пазарот.

Третата фаза од истражувањето се спроведува на околу 30.000 испитаници во САД, Бразил, Велика Британија и Јужна Африка.

Ова е фаза на клиничко испитување на вакцината која обично се спроведува на илјадници испитаници и трае неколку години. Третата фаза на сите локации сега е паузирана.

Извор: Нова Македонија

претходниот член,Не е само храната, еве што се има влијание врз вишок килограми
Следната статијаОд денеска градинките во Македонија почнуваат со работа под посебни протоколи за работа на градинките

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде