Српските безбедносни служби дознаа дека група црногорски граѓани се подготвуваат да се приклучат на протестите во Белград во наредните денови со цел да предизвикаат хаос во главниот град.
Според информациите на српските чувари на безбедноста, станува збор за 50 лица од соседната земја на Србија – Црна Гора, кои треба да дојдат во Србија во наредните три или четири дена.
Планот е тие да влезат нелегално, преку алтернативни премини низ Косово и Метохија, со цел да се избегнат пропишаните мерки за задолжителна самоизолација. Според оперативците, станува збор за луѓе од криминалното милје.
Медиумите претходно објавија дека насилството во Белград за време на протестот го организирале припадници на одредени странски служби.
Немирите избувнаа на митинзите во вторникот и средата, кога групи хулигани ја нападнаа полицијата, проследено со судири во центарот на градот во кои беа повредени голем број полицајци и демонстранти.
Извор: novosti.rs
