Претседателот на Србија, Александар Вучиќ, денеска ќе ја посети Рудна глава, каде ќе биде вакциниран против вирусот корона.
Вучиќ ќе ја прими кинеската вакцина Синофарм во Здравствената станица Рудна глава во Здравствениот дом „Д-р Вероjуб Цакиќ“ во Мајданпек.
Во Рудна Глава, претседателот на Србија ќе разговара со граѓаните, по што ќе одржи состанок со претставниците на локалната самоуправа на областа Бор и претприемачите од Рудна Глава.
Патем, Рудна Глава е најголемата рурална населба во општина Мајданпек, со околу две илјади жители.
Пред неколку дена, за време на прославата на почетокот на работите на делот од патот Нов Белград, претседателот Вучиќ најави дека ако новиот контингент на кинески вакцини „Синофарм“ пристигне во Србија во понеделник, тој во вторник ќе оди на Рудна Глава, за да биде вакцинирани.
