Постапката за итно одобрување на руската вакцина Спутник В засега е суспендирана, објави Светската здравствена организација (СЗО).
Причината за оваа одлука е недостатокот на податоци и недоследноста на законските процедури. Сепак, СЗО се надева дека овие проблеми би можеле да се решат наскоро, според 021.rs.
–Речиси секој ден работиме со Министерството за здравство на Русија за да ги решиме преостанатите прашања што треба да ги исполни Рускиот фонд за директни инвестиции, рече Маријанјела Симао, помошник генерален директор на СЗО за пристап до лекови и здравствени производи.
Таа потврди дека СЗО повторно ќе го отвори случајот, ќе ги процени доставените податоци и ќе продолжи со проверката на производствените капацитети во Русија, дури и ако досието за руската вакцина е сe уште нецелосно.
–Сите поднесоци што ги имаме се обработуваат на ист начин, додаде Симао.
