Посипувањето неколку прстофати сол на вашата вечера може да ве испрати ранo во гроб, сугерира едно големо истражување.
Истражувачите следеле повеќе од 500.000 Британци речиси една деценија.
Резултатите покажале дека луѓето кои секогаш додаваат повеќе сол во оброците имаат 28 отсто поголеми шанси да умрат пред 75-тата година од животот, во споредба со оние кои никогаш или ретко додаваат сол.
Вишокот сол во вашето тело предизвикува задржување на водата во крвта, ги компресира вашите крвни садови и го зголемува крвниот притисок.
Ова може да го зголеми ризикот од срцев или мозочен удар подоцна.
Насоките на NHS велат дека возрасните не треба да јадат повеќе од 6 g сол на ден. Децата треба да имаат уште помалку.
Сепак, експертите велат дека солта што е „скриена“ во нашата храна значи дека многу луѓе јадат повеќе сол отколку што мислат.
