Многупати се случува да мислиме дека некој од нашите пријатели, колеги или роднини се грижи, но на крајот излегува дека зад сето тоа се крие завист. Зад ласкави зборови и пофалби може да се кријат лоши намери.
Луѓето обично се обидуваат да сокријат завист бидејќи се свесни дека покажувањето на оваа особина не наидува на одобрување од околината. Зависта не е ништо друго туку своевидно признавање на љубомора на туѓ успех во една или повеќе сфери од животот.
Завидливите луѓе не можат да бидат искрени пријатели, а тоа е најочигледно кога успешната личност има лош период.
Ако се пожалите дека партнерот ве оставил, дека сте паднале на испит или сте ја изгубиле работата, ќе забележите дека ќе ве слушаат, но ќе даваат резервирани коментари. Забележувате дека оваа личност е поладна и порезервирана, а понекогаш ви се чини дека е без емоции.
Друго што ги издава е тоа што завидливите луѓе се крајно критични кон луѓето околу нив, оправдувајќи го тоа со „чесност“. Можеби сте биле сведоци на ситуации кога одредена личност ве исмејувала, „спуштала нога“ или го омаловажувала вашето мислење или идеи.
Не дозволувајте тоа да ја разниша вашата самодоверба! Ова обично го прават луѓе кои се тајно љубоморни, обидувајќи се да го саботираат вашиот успех на други начини.
Психолозите веруваат дека истиот дел од мозокот е одговорен за завист како и за физичката болка. Човек почнува да им завидува на луѓето кои мислат дека добро им оди во животот, но дека не го заслужуваат тоа.
Зависта може да оди дотаму што завидливиот потајно посакува да му се случи нешто лошо на поуспешната личност, за да ужива во нивната болка.
Психолозите истакнуваат дека завидливите луѓе можат да ве поттикнат да ги повторите деталите од настанот што ве повредил, за да ја преживеете истата болка и да се чувствувате полошо.
Пазете се од таквите луѓе и добро размислете кому му ја давате довербата.
