Согласно податоците од Институтот за јавно здравје, Министерството за здравство информира дека во последните 24 часа направени се 965 тестови, а регистрирани се 64 нови случаи на ковид -19: Скопје – 50, Прилеп и Кавадарци – по 5, Битола, Тетово, Крива Паланка и Виница – по едно.
Од вкупниот број на позитивни (64), регистрирани се 12 реинфекциии.
Регистрирани сe 296 оздравени пациенти од: Скопје – 173, Прилеп – 17, Кавадарци – 14, Куманово – 13, Струмица – 11, Битола – 10, Велес, Гостивар и Охрид – по 8, Кочани и Дебар – по 4, Кичево, Ресен и Кратово – по 3, Крива Паланка, Штип, Струга, Гевгелија, Берово и Валандово – по 2, Тетово, Радовиш, Богданци, Демир Капија и Пехчево по – 1.
Во текот на изминатите 24 часа, регистрирани се 2 починати лица: по едно починато лице од Скопје (63 години) и Струмица (77 години), починати во болнички услови.
Согласно Регистарот на умрени лица со дијагноза ковид -19 од Мој Термин, дополнително се пријавени 2 починати лица, од Скопје (73 години) и Гевгелија (63 години). Пријавените лица се починати во период од 5 до 12 март годинава. Од пријавените едно лице е починато во болнички услови и едно во домашни услови.
Од вкупниот број на починати лица (4), кај 3 се регистрирани коморбидитети.
Досега во земјата се направени вкупно 1.938.935 тестирања на ковид-19. Вкупната бројка на дијагностицирани лица во нашата земја од почетокот на епидемијата изнесува 303.418, бројот на оздравени пациенти е 292.344, на починати е 9.184, а бројот на активни случаи изнесува 1.890.
