За многумина, попладневната дремка е добар начин да се опуштите во текот на денот и да се освежите пред налетот на новите обврски.
Сепак, има и такви на кои овој краток дневен одмор им го нарушува ноќниот сон. Затоа, експертите сугерираат дека попладневните дремки не се за секого и треба да бидат ограничени.
Се верува дека попладневната дремка треба да трае од 10 до 20 минути.
Дневниот одмор кој трае не помалку од 10, но не подолг од 20 минути, носи најмногу придобивки за телото. Исклучок од ова правило се болните луѓе и децата на кои им треба повеќе дневен одмор. Дневниот одмор од повеќе од 20 минути кај здрави возрасни лица може да го наруши ритамот на спиење и да предизвика несоница.
Попладневната дремка е неопходна за луѓето кои малку спијат во текот на ноќта. Со краток сон кој трае 20 минути во текот на денот, тие можат да го освежат телото. На работниците во ноќна смена исто така им е потребен ваков одмор за да се спречи поспаност на работното место. На возачите им се препорачува и попладневна дремка, бидејќи голем број сообраќајни несреќи се предизвикани од замор.
Совет до сите возачи е да спијат од 7 до 8 часа во текот на ноќта, во случај да се чувствуваат уморни додека возат, се препорачува консумирање кофеин, запирање на возилото и одмор 20 минути.
Дневниот одмор се препорачува и за лицата кои работат во смени надвор од работното време од 7 до 18 часот. Работата во смени е поврзана со зголемен ризик од здравствени последици, физички повреди и нарушувања на деноноќниот ритам. Се смета дека одморот од 10 до 20 минути ја зголемува будноста и брзината на реакција.
