Атмосферата на Венера содржи траги од фосфин, гас што може да се припише на живите организми на Земјата, објавија британските научници во списанието „Астрономија“ на почетокот на оваа недела.
Состојбите на Венера често се опишуваат како пеколни затоа што таму дневната температура е доволно висока за да се раствори оловото, а атмосферата е скоро целосно составена од јаглерод диоксид.
Група британски научници користеле телескопи на Хаваите и чилеанската пустина Атакама за да го набудуваат горниот слој на облаците на Венера, околу 60 километри над нејзината површина.
Откриле траги од фосфин, запалив гас што често се формира на Земјата со распаѓање на органска материја. Сепак, научниците истакнуваат дека присуството на фосфин не го докажува животот на Венера.
Но, бидејќи облаците на Венера се многу кисели и затоа многу брзо го уништуваат фосфинот, истражувањата покажаа дека нешто го создава одново. Тие заклучија дека на Венера се одвива „необјаснива хемија“.
Дури и ако планетата е богата со фосфор, можеби недостасува нешто друго важно за животот, некој друг елемент, или условите се премногу топли или премногу суви – рече за АФП проф. Гривс од Универзитетот Кардиф и главен автор на студијата.
-Во зум, го анализираме ова откритие и гледаме наназад кон потрагата по вонземски живот.
Извор: Jutarnji.hr
