Сафет Бишевац, кандидат за пратеник од листата на опозициската партија, на Фејсбук објави дека е позитивен на корона вирусот.
Во објавата тој вели дека и покрај максималното почитување на мерките, е позитивен на Ковид-19 и дека заедно со семејството ќе биде во изолација.
„За жал, нештата понекогаш се случуваат и покрај максимално можно почитување на препораките за заштита. Се чувствувам одлично, засега немам никаков проблем. Заедно со семејството во наредниот период ќе бидеме во изолација, под надзор на матичниот лекар“, напиша тој на социјалните мрежи.
Сафет Бишевац е еден од кандидатите за пратеници од листата на ВМРО-ДПМНЕ кој предизвика бура реакции бидејќи во јавноста проциркулира видео во кое како пратеник на тогаш опозициската СДСМ ги навредува гласачите на ДПМНЕ поради нивната одлука да гласаат за тогашната владејачка партија.
