Многу луѓе се борат со прекумерна тежина и следат различни правила и совети за да останат во форма.
Појадокот е многу важен оброк – може или да ви го разубави или скрши денот.
Нутриционистите советуваат дека не треба да се прескокнува појадокот, туку треба да се грижите за храната што може да има лош ефект врз телото, доколку се јаде пред 10 часот наутро.
Путер
Иако содржи многу витамини, од кои најважни се А и Е, покрај здравите масти, содржи и многу заситени масти, кои можат да имаат штетно влијание врз срцето и крвните садови и да придонесат за гоење.
Наместо тоа, нутриционистите предлагаат путер од кикирики, бидејќи го намалува чувството на глад.
Јогурт со малку маснотии
„Лесните“ намирници особено се купуваат кога станува збор за исхраната, но тоа не е секогаш вистинското решение.
Експертите тврдат дека млечните производи со малку маснотии не содржат доволно протеини и затоа гладот ќе се почувствува побрзо.
Истражувањата покажаа дека јогуртот со поголем процент на маснотии придонесува за слабеење, за разлика од неговата „лесна“ варијанта.
Свежо исцеден сок
Нутриционистите тврдат дека повеќето овошни сокови содржат иста количина шеќер како и купениот сок, што ги прави еден од најлошите избори за појадок, како и потрошувачката воопшто.
Една од причините што внесот на сокови не придонесува за слабеење е тоа што многу луѓе не чувствуваат дека внеле нешто во телото додека не џвакаат храна, па затоа брзо сакаат да јадат нешто „конкретно“.
