Леонардо да Винчи го исполнувал секој милиметар на хартиите, меѓу неговите цртежи, со разни ноти.

Во времето кога ренесансниот уметник Леонардо да Винчи живеел пред околу 500 години, хартијата била прилично скапа. Затоа, користејќи ги своите тефтери, секој милиметар од листовите меѓу сите овие цртежи ги пополнувал со разни белешки.

Така, на 13.000 страници од белешките на Леонардо, меѓу цртежите што левитираат помеѓу уметноста и науката, во кои тој објаснува како природата функционира и дизајнира различни иновативни уреди, може да се најдат не само големи откритија, туку и, на пример, список на луѓе кои му должат пари или списоци намирници за пазарење, пишува Наука Кроз Приче.

Леонардо многу ги сакал списоците. Денес најинтересни се оние списоци со работите кои планирал да ги направи. Во книгата на Леонардо да Винчи, Валтер Исаксон наведува листа од последната деценија на 15 век во Милано, која содржи се што Леонардо сака да научи тој ден.

На списокот меѓу другото стои:

– Мерење на Милано и неговите предградија.

– Исцртување на Милано.

– Да најдам аритметичар кој може да ми покаже како да ја измерам квадратурата на триаголник.

– Прашај го артилерецот Џани како кулата во Ферари е опкружена со ѕид.

– Прашајте го Бенедет Протинари како шетаат по мраз во Фландрија.

– Најди мајстор за хидраулика да ми каже како да ги поправам спроводникот, каналот и воденицата како што користат во Ломбардија.

– Да ги достигнам мерките на Сонцето што ми ги вети мајстор Џовани Франсоаза Французинот.

Пет века подоцна, кога целото наше знаење е достапно со неколку кликања, оваа листа на задачи во најмала рака изгледа како повеќемесечен напор. Се чини дека списоците на толку разновидни и сложени работи што го интересирале може да зборуваат уште повеќе за генијалноста на Леонардо отколку за делата што тој ги создал.

Еве уште неколку списоци на делата на Леонардо кои Ајзаксон ги издвоил:

– Набљудувај стапало на гуска: доколку е постојано отворено или постојано затворено, тоа суштество не би можело да се движи на кој било начин.

– Зошто небото е сино?

– Зошто рибата во вода е побрза од птицата во воздухот кога би требало да биде спротивно, имајќи предвид дека водата е потешка и погуста од воздухот?

– Опишете го јазикот на клукајдрвецот.

– Оди во бања секоја сабота за да видиш голи тела (мажи).

– Надувајте ги свинските бели дробови и видете дали нивната ширина и должина се зголемуваат или само ширината.