Најпопуларната криптовалута вчера се приближи многу до рекордот од 58.332 долари, додека и денес не престанува да воодушевува со достигнатата сума.
Утрово, Биткоин достигна вредност од 57.400 долари според платформата „Коиндеск“, а во моментов се тргува со најпопуларната криптовалута по цена од 56.930 долари.
Некои аналитичари очекуваат дека биткоинот ќе ја надмине границата од 60 000 американски долари за прв пат во историјата.
Овој пат, инвеститорите инвестираат во биткоин главно за да се заштитат од очекуваната инфлација во иднина, и покрај фактот дека сè уште нема причина за прекумерна загриженост за зголемувањето на цените.
Охрабрувачките информации за големиот интерес на клиентите на Голдман Сакс за најпопуларната криптовалута секако придонесоа за растот на биткоинот.
Во очите на инвеститорите, биткоинот сега е како злато во дигитална форма – заштита од сите неволји што неизбежно ќе предизвикаат диво печатење пари насочено од централните банки, односно пред се висока инфлација и девалвација на класичните валути.
Бидејќи цените на златото паѓаат благо неколку месеци, се повеќе станува јасно дека биткоинот навистина ја презеде својата улога во многу од портфолијата на големите играчи.
И покрај високата цена, големите инвеститори не престануваат да инвестираат во биткоин. Најновата информација е дека компанијата за деловна анализа MicroStrategy објави дека купила дополнителен пакет биткоини во вредност од 15 милиони долари.
