Енергетските пијалоци содржат големи дози на таурин и кофеин што директно влијае врз ендокриниот систем кој праќа порака до срцето да пумпа побрзо.
Преку хемискиот состав на енергетските пијалоци се влијае директно во работата на срцето, што значи и оптеретување за него.
Покрај тоа, енергетските пијалоци содржат многу шеќер и имаат висока калорична вредност.
Тие го забрзуваат метаболизмот, што значи дека за кратко повторно ќе се чувствувате гладни и ќе имате потреба од храна.
Енергетските пијалоци и кафето, ја зголемуваат вашата потреба за храна и на тој начин ве дебелеат.
Ви предлагаме природен начин да се снабдите со енергија:
- Вода
Наместо кафе или енергетски пијалок, нека вашиот прв утрински пијалок биде вода.
Млака вода со малку сол, го прочистува целосно организмот и ве снабдува со електролити за целиот ден.
По првата чаша напијте се уште една вода без сол. Со внесување на поголема количина на течност, го кревате крвниот притисок и срцето побрзо работи.
При тоа не трошите енергија за варење на водата бидејќи таа само поминува низ организмот и го прочистува, така што целата енергија ќе ја сочувате за вас!
- Исхрана
Појадокот е многу важен, но не го јадете пред да бидете гладни.
Кога ќе огладнете потрудете се да внесете едно парче овошје или зеленчук и малку протеин.
На пример изедете една јаболка, а по половина час и едно варено јајце.
Ќе внесете протеин и фруктоза кои се доволни за работа на вашиот мозок и мускулатура.
Не го оптеретувајте вашиот систем за варење со премногу калорична и тешка храна, бидејќи варењето на храната одзема најмногу енергија!
