Многу жени кои работат како собарки на шпанскиот остров Мајорка чувствуваат дека се експлоатирани и дека се борат за подобри услови за работа. Се организираа и постигнаа одредени успеси.
За шест часа да се исчистат 24 соби
Сара дел Мар е претседателка на здружението на собарки „Kellys Union Baleares“ во Мајорка веќе шест години. Ова практично го прават само жените, а половина од нив се странци, оценува Сара дел Мар. Таа самата мора да чисти и средува 24 соби секој ден.
Таа вели дека е речиси невозможно да се направи тоа за шест часа што ги има на располагање, и дека има колешки кои добиваат значително повеќе работа.
„Притисокот е огромен. Многумина од нас немаат пауза за ручек, дури и не пиеме ништо додека работиме за да не губиме време одејќи во тоалет.
Тие го свртеа своето внимание на нивниот проблем
Во последниве години, речиси ниту една група работници во Шпанија не привлече толку внимание како собарките.
На прв поглед здружението има постигнато многу од своето формирање во 2016 година. Тарифниот договор за туристичките работници на Балеарските острови, кој важи и за нив, се смета за еден од најповолните за работниците во цела Шпанија. Со нето плата од околу 1.400 евра тие се подобро платени од многу други работници во Мајорка.
Неодамна властите на Балеарските острови дури ги обврзаа сите сопственици на хотели да добијат кревети чија висина може да се регулира, за да им ја олеснат работата на собарките.
Таа одлука предизвика големо незадоволство кај хотелиерите, бидејќи за нејзино спроведување беа потребни големи инвестиции.
Но, откако се организирале, собарките станале многу одлучни. “Сето тоа го постигнавме затоа што излеговме на улица“, вели Сара дел Мар.
Тие организираа демонстрации на големите плоштади во сите значајни градови на земјата.
Но, тоа не е единствената причина за успех, тврдат во одделот за еднаквост во управата на Мајорка.
Тие веруваат дека собарките привлекле толку големо внимание на јавноста затоа што претставуваат социјална група која долго време била запоставена во Шпанија: жени кои со големи жртви и во тешки услови го ризикуваат своето здравје за да ги прехранат своите семејства.
Сепак, најважното барање на здружението „Kellys Union Baleares“ сé уште не е исполнето. Собарките бараат дневната стапка повеќе да не ја одредуваат самите работодавачи, односно оние кои на секој начин се обидуваат да ги намалат трошоците за персоналот.
Наместо тоа, вели Сара дел Мар, треба да има објективни критериуми кога се одредува колку соби дневно се прифатливи за да се исчистат.
Усогласеноста со тоа правило треба да биде контролирана од независен орган. Во секој случај, здружението во Мајорка успеа да спроведе начин за да се направи истражување кое се обидува да процени кои се тие „објективни критериуми“.
