Во Македонија стигнува нова гасоводна мрежа од Азербејџан, а ќе се увезува и течно гориво од Америка и од други земји. По тој повод премиерот на Македонија, Зоран Заев изјави:
–Сите граѓани се сопственици на националниот гасовод, што е огромна придобивка за граѓаните и за националните можности на државата. Наместо да биде присутен само еден извор на гас, со што, државата, со години, се држеше во монополска позиција сега е отворена можноста да влезе и азербејџански гас како и течен гас од Америка. Го изразивме нашето учество во сериозен, би рекол геостратешки и европски проект, поддржан од САД, гасоводот Александрополис.
