Покрај американско-германската вакцина „Фајзер-Бајонтек“ и рускиот „Спутник V“, кинеската вакцина против коронавирусот на компанијата „Синофарм“ наскоро ќе пристигне и во Србија. Граѓаните ќе можат да изберат која вакцина ќе ја примат.
Србија е една од ретките земји во светот каде дури три вакцини ќе им бидат достапни на граѓаните во најкус можен рок, а главната дилема на оние кои се заинтересирани за имунизација е која вакцина да изберат.
Д-р Радмило Петровиќ, нашиот познат епидемиолог, вели дека, иако се направени според различна технологија, сите тие се ефикасни.
Која вакцина против коронавирус би ја примиле?
–Во секој случај, потребно е да се вакцинирате што е можно поскоро за да започнете да создавате имунитет и заштита што е можно побрзо. „Фајзер“ е генетска вакцина која го стимулира телото да произведува антитела на скокот. Руската вакцина е хибридна вакцина, каде РНК се пресадува на аденовирус, додека кинеската вакцина се базира на мртов коронавирус. Јас сум најголемиот поддржувач на ваквиот вид „мртва“ вакцина, бидејќи го содржи целиот вирус со сите антигени, па затоа се создава најсоодветен имунитет – вели д-р Петровиќ.
Според него, граѓаните кои имале коронавирус може да одлучат да добијат „Спутник V“.
–Тоа е вакцина која спаѓа во категоријата „живи“ вакцини и, во некои случаи, кај пациенти кои имале коронавирус и имаат поголем број антитела, доволна е една доза за зајакнување на имунитетот што веќе го имаат. Оние кои не ја прележаке короната можат да земат „Фајзер“. Оваа вакцина е најдостапна за нас и произведува добар имунитет. Би ја препорачал кинеската, инактивирана вакцина на хронични пациенти, бидејќи има најмал ризик од несакани ефекти. Станува збор за класична вакцина, која не може да ја влоши основната состојба – вели Петровиќ и додава дека сите заинтересирани за вакцината треба да се подложат на општ преглед пред вакцинацијата, а хроничните пациенти треба да им дадат на лекарите детални информации за нивната состојба.
Д-р Петровиќ, исто така, посочува дека ниту една од овие вакцините не се дава на бремени жени и деца.
И вирусологот д-р Ана Глигиќ за српски Курир вели дека повеќе би сакала да прима класична, „мртва“ вакцина, а следниот избор е вакцината „Спутник V“:
Имам голема доверба и во руската вакцина, бидејќи на неа работеа одлични научници од сите профили. Сепак, многу е тешко да се дадат совети која вакцина да се прими. Сите се направени според најдобрата технологија, но ниту вакцините, ниту вирусот сè уште не се познати доволно, а ќе видиме само колку трае имунитетот и какви се ефектите.
