Во Соединетите Американски Држави, од почетокот на пандемијата, интересот за работни места во областа на градежништвото и ИТ е зголемен, додека интересот за професии поврзани со грижа за деца, складирање и подготовка на храна е намален.
Анализата на огласите за работа во САД од почетокот на пандемијата покажа зголемување на интересот за работни места во сектори како градежништвото и ИТ, според веб-страницата на Светскиот економски форум.
Интересот за работни места во двата сектора беше речиси 60% поголем на почетокот на октомври 2021 година, во споредба со 1 февруари минатата година.
Во истиот период, интересот за работни места во областа на медиумите и комуникациите, како и во областа на развој на софтвер скокна за повеќе од 48%.
Од друга страна, намален е интересот за згрижување деца (-15,2%), како и за услугите за подготовка на храна (-18,3%).
Паднал интересот за лична нега и домашно лекување (-33,3%), но и за товарење и складирање (-39,8%).
Истовремено, повеќе од двојно е зголемен бројот на огласи за утовар и складирање во однос на февруари 2021 година.
Секторот за складирање не е единствениот кој се соочува со овој предизвик, многу помалку популарни сектори се борат да пополнат работни места по пандемијата.
Огласите за работа преку Интернет го надминаа нивото забележано пред пандемијата. Во Соединетите Држави има зголемување за повеќе од 50 проценти во однос на периодите пред пандемијата.
Интересот за одредени работни места е силно поврзан со цената по час и можноста за вршење на работа од далечина.
