Небојша Атаначковиќ, почесен претседател на Сојузот на работодавачи на Србија, смета дека од септември во Србија ќе дојдат околу 30.000 работници од Македонија и Албанија. Ова овозможува поврзување на националните електронски системи на Србија, Македонија и Албанија во рамките на иницијативата „Отворен Балкан“.
Како што пишува порталот Политика, секој заинтересиран граѓанин од овие три земји овој септември првпат ќе може слободно да пристапи до единствениот пазар на труд. Со помош на единствениот матичен број, работниците електронски ќе поднесат барање и ќе го пријават својот престој во посакуваната земја, а потоа ќе добијат единствена работна дозвола, која ќе важи приближно од две и пол до три години.
Ни недостасуваат сите профили во градежништвото, како и работници во угостителството и туризмот, па дури и оние кои вршат сезонски работи, како што се берачите. Од септември очекуваме да пристигнат околу 30.000 од нив. Се разбира, нема да пристигнат сите одеднаш, и соодветно на тоа, нема да има повеќе од 30.000 работници во Србија постојано, благодарение на поврзувањето на националните електронски системи на Србија, Македонија и Албанија, истакна Атаначковиќ за белградскиот весник.
