Експертите повикуваат да ги прегледате своите стапала, бидејќи тие може да откријат можни знаци на заболување на црниот дроб што лесно се занемаруваат. Според д-р Минди Пелц, состојбата на кожата на стапалата може да каже многу за општото здравје.
Иако грубата и сува кожа не е невообичаена и често е резултат на недостаток на витамини или неудобни обувки, таа може да биде и ранен сигнал за посериозен проблем.
„Сувоста и пукнатините покажуваат дека крвта не циркулира правилно до стапалата. Можно е црниот дроб да не ја извршува добро детоксикацијата и да не ги исфрла токсините“, објасни таа.
Црниот дроб има четири главни функции: варење, прочистување на крвта, поддршка на имунолошкиот систем и згрутчување на крвта. Кога не функционира правилно, може да се појават различни симптоми.
Лицата со хронично заболување на црниот дроб често чувствуваат чешање на кожата, кое може да биде локализирано на стапалата или да се прошири по целото тело. Кожата може да биде црвена, груба и испукана, а чешањето најчесто се влошува навечер.
Сепак, сувите и испукани пети може да укажуваат и на недостаток на витамин Б3 или омега-3 масни киселини. Во потешки случаи, екстремно сувата кожа може да биде поврзана со цироза и недостаток на витамин А.
Дополнителни знаци на ослабена функција на црниот дроб се жолтица, отечени стапала, задржување течности во стомакот, неочекувани промени во тежината и намалени когнитивни способности.
