Луѓето кои повремено палат џоинт често прибегнуваат кон аргументот дека алкохолот е многу поштетен по здравјето од марихуаната или хашишот.
Веќе добро сме свесни за опасностите од алкохолизмот. Но, постепено стануваме свесни и за опасностите од канабисот, чија рекреативна употреба е легализирана ширум светот.
Кои се ефектите на алкохолот и канабисот врз нашето здравје? Што ако се опијанивте синоќа? Дали е исто како да сте „пијани“ преку ден? Еве што имаат да кажат научниците за тоа.
Алкохолот е цитотоксин кој брзо продира во телото преку крвотокот. Тоа го отежнува преносот на информации во мозокот, а поголеми количини може да доведат до труење со алкохол.
Растението канабис содржи повеќе од шеесет канабиноиди, од кои THC е класифициран како најсилна психоактивна супстанција.
Постојат многу рецептори во телото до кои се „примаат“ канабиноидите, вклучувајќи го и THC.
Општо земено, повеќе истражувања се посветени на ефектите на алкохолот. Што се однесува до истражувањето на канабисот, постојат дополнителни потешкотии бидејќи процентот на THC во растенијата многу варира.
- Акутни негативни ефекти
Двете супстанции многу брзо влијаат на мозокот, намалувајќи го нивото на концентрација и способноста за паметење.
Алкохолот е една од најчестите причини за сообраќајни несреќи, но канабисот ја намалува и способноста за управување со возило.
Алкохолот кај некои луѓе ја нагласува агресивната природа – речиси секој трет чин на насилство се врши под дејство на алкохол.
Канабисот, од друга страна, релаксира и смирува многумина, но може да предизвика чувство на паника и параноја.
- Долгорочна штета
Луѓето кои пијат алкохол често го оштетуваат своето здравје и го намалуваат животниот век.
–Многумина ќе помислат на зависници од алкохол. Но, повременото консумирање алкохол од секаков вид може да предизвика повеќе од двесте болести, вели Улрих Џон, лекар од Универзитетскиот медицински центар во Грајсфвалд, Германија.
Тие вклучуваат голем број на кардиоваскуларни заболувања, заболувања на црниот дроб и рак. Неодамнешните студии го отфрлија митот за позитивните ефекти од умереното консумирање алкохол.
На пример, само три до шест чаши алкохол неделно го зголемуваат ризикот од рак на дојка.
Кога зборуваме за канабисот, постојат индикации за неговата поврзаност со болести како депресија или рак на тестисите.
Неколку студии откриле зголемен ризик од психоза, особено ако се консумира на рана возраст.
