Студијата во која учествувале 88.000 испитаници покажала дека оние кои си легнуваат по 23 часот развиле поголем ризик од срцеви заболувања, до 12% поголем.
Телото има т.н. дневен ритам на спиење, наречен и деноноќен ритам, кој ги регулира физичките и менталните функции – изјави Дејвид Планс, еден од истражувачите.
Иако сè уште нема прецизно опишани механизми зошто тоа се случува, студијата покажува дека легнувањето порано или подоцна може да го наруши ритамот на телото, што може да доведе до срцеви нарушувања и болести. Претходните студии ја истакнаа врската помеѓу срцевите заболувања и должината на спиењето, а сега, за прв пат, наместо должината на спиењето, фокусот е ставен на времето за спиење.
Во студијата која траела десет години, повеќе од 88.000 испитаници го забележале времето кога одат на спиење со уред. По 5 години, беше откриено дека 3.172 учесници (3,6%) развиле некои срцеви заболувања како што се срцев удар, срцев застој или напади.
Оние кои легнале помеѓу 10 и 11 навечер се група во која малкумина имале проблеми со срцето, и покрај другите фактори како што се возраста, полот, пушењето, телесната тежина, крвниот притисок или социо-економскиот статус, велат истражувачите.
– Нашата студија покажува дека споменатото време за легнување е најпогодно за биолошкиот ритам на телото – изјави Планс.
Според студијата, најризично време за спиење е после полноќ, поточно, бидејќи телото потоа може да се збуни и да ја замени ноќната светлина со дневна светлина, што автоматски го нарушува ритамот и негативно влијае на срцето бидејќи го забрзува пулсот.
