Научниците откриле повеќе од 20 видови на растителни молекули кои го забавуваат стареењето на клетките, зголемувајќи ги годините на активен човечки живот.
Истражувачи од Монтреал идентификувале повеќе од 20 типа на растителни молекули кои го забавуваат стареењето на клетките, со што се зголемуваат годините на активен човечки живот.Пред три години, истражувачите од Универзитетот Конкордија и Идун Технолоџис ја открија првата серија од шест „анти-старечки“ молекули добиени од растенија.Потоа, минатата година, тие откриле дека нивната моќ против стареење е зголемена за десет пати со комбинирање на некои од овие растителни екстракти, пренесува Танјуг.
Убедени во потенцијалот на овие откритија, научниците го продолжија истражувањето, во надеж дека ќе најдат други слични молекули.
Во студијата објавена во научното списание Oncotarget, тие објасниле дека ја постигнале оваа цел идентификувајќи петнаесет дополнителни растителни екстракти кои можат да го намалат влијанието на времето врз клетките.За да се постигнат овие заклучоци, извршени се тестови врз клетки на квасец, чие стареење е слично на стареењето на човечките клетки.
Благодарение на идентификуваните растителни екстракти, наречени модулатори, животниот век на овие клетки се зголемува од 2,5 дена на пет до осум дена.
Намалување на инциденцата на болести
Според Ерик Симард, претседател на Idunn Technologies, кој ги користи резултатите од ова истражување за комерцијализација на природни производи, десетина „анти-стареечки“ молекули биле познати на научната заедница во минатото, но нивната „моќ“ била многу ограничена.
„Влијанието на овие наоди ќе биде огромно“, вели коавторот на студијата Владимир Титиренко, истражувач и професор по биологија на универзитетот Конкордија.
„Она за што зборуваме е намалување на инциденцата на сите болести поврзани со стареењето“, вели човек кој го споредува овој напредок со откривањето на постоење на матични клетки пред 30 години.
Особено, тој верува дека резултатите од нивното истражување може да имаат значителни последици не само во економска смисла, туку и врз квалитетот на животот на населението и капацитетот на здравствениот систем.
Некои од новите растенија против стареење, како што велат, се џуџеста палма, кантарион, портокалово дрво, хме, глуварче …
Извор : Aljazeera Balkans ;
