Американските економисти Пол Милгром и Роберт Вилсон се наградени со Нобелова награда за економија во 2020 година за придонесот во теоријата на аукција, соопшти во понеделникот Кралската шведска академија на науките.
Наградата за економија е официјално позната како Наградата Сверигес Риксбанк во економски науки. Основана е од централната банка на Шведска и се доделува од 1969 година во спомен на индустријалецот Алфред Нобел.
Во 2019 година, наградата за економија им беше доделена на Абхиџит Банерџи, Естер Дуфло и Мајкл Кремер за нивната работа за ублажување на глобалната сиромаштија.
Дуфло, професорка на Технолошкиот институт во Масачусетс, беше најмладата личност и само втората жена на која и беше доделена наградата.
Минатата недела, на Светската програма за храна и беше доделена Нобеловата награда за мир во 2020 година за нејзините напори во борбата против гладот и за неговиот „придонес кон подобри услови за мир во областите погодени од конфликти“.
Извор: CNN
