Американскиот Фејсбук предупреди дека може да се повлече од Европа, доколку ирскиот комесар за заштита на податоците ја спроведе забраната за размена на податоци со САД.
Ирскиот комесар ја објави можноста за донесување на таква одлука откако Европскиот суд во јули утврди дека нема доволно заштита од пристапот на американските разузнавачки агенции до податоците на Фејсбук.
Главниот соработник на Фејсбук во судското досие во Даблин напиша дека спроведувањето на забраната ќе ја направи компанијата нефункционална, пренесува британски „Гардијан“.
Во случај Фејсбук да биде предмет на целосна суспензија на трансферот на кориснички податоци во САД, не е јасно како може да продолжи да обезбедува услуги на Инстаграм во ЕУ во тие околности“, рече претставникот на Фејсбук, Ивон Канан.
Како што истакна таа, Фејсбук не се заканува да се повлече од Европа, туку едноставно изразува мислења засновани на реалната состојба.
Правните документи доставени до Високиот суд во Ирска покажуваат само јасна реалност дека Фејсбук и многу други компании, организации и даватели на услуги се потпираат на пренос на податоци меѓу ЕУ и САД, изјави Канан.
„Недостатокот на безбеден и легален меѓународен трансфер на податоци ќе и наштети на економијата и ќе го попречи растот на бизнисите базирани на податоци во ЕУ“, се додава во соопштението.
Извор : B92 ;
